Stqarrija ta’ privatezza

X’isir minn tagħrif dwarek waqt li  int konsumatur ta' dan is-servizz? 

Min aħna?

Aħna wieħed minn numru ta’ servizzi tas-saħħa u tal-kura komunitarja fiż-żona tiegħek, ilkoll naħdmu flimkien f’isħab biex nissodisfaw il-bżonnijiet tiegħek dwar is-saħħa.

X’tagħrif niġbru dwarek?

Aħna nżommu ismek u d-dettalji tal-kuntatt dwarek fuq ir-rekords tiegħek tal-konsumatur.  Dettalji oħra bħal pjan tiegħek ta’ kura u tagħrif dwar saħħtek huma rrekkordjati kull darba li tagħmel żjara.

Għala niġbru t-tagħrif dwarek?

It-tagħrif li niġbru jgħinna nżommu d-dettalji aġġornati dwar il-bżonnijiet tiegħek, biex inkunu nistgħu nieħdu ħsiebek bl-aħjar mod possibbli.  Aħna nużaw ukoll it-tagħrif biex nimmaniġġjaw  u nippjanaw aħjar dan is-servizz.

Min aktar jara t-tagħrif dwarek?

Il-professjonisti biss f'dan is-servizz li huma involuti fil-kura tiegħek jistgħu jaraw it-tagħrif dwarek. Inkella, aħna nagħtu tagħrif dwarek jekk taqbel jew jekk ikun mitlub mil-liġi, bħal ngħidu aħna f’emerġenza medika.

X’poter għandek dwar x’jiġri mit-tagħrif dwarek?

Int għandek il-poter li tiddeċiedi dwar xi jsir mit-tagħrif dwarek. Aħna noqogħdu fuq it-tagħrif li tagħtina biex jgħinna nagħtuk l-kura adegwata. Jekk tiddeċiedi li taqsam parti mit-tagħrif dwarek jew tirrestrinġi l-aċċess għar-rekord tiegħek tal-konsumatur, dan hu d-dritt tiegħek, imma dan għandu mnejn jolqot l-abilità tagħna li nagħtuk l-aqwa servizz li nistgħu. Tkellem magħna jekk tixtieq tibdel jew tħassar il-kunsens tiegħek.  

Kif ser ikun protett it-tagħrif dwarek?

Aħna impenjati li nipproteġu l-konfidenzjalità tar-rekord dwarek. Il-privatezza tat-tagħrif dwarek hi protetta wkoll mil-liġi. Aħna nżommu t-tagħrif dwarek bl-iktar konfidenzjalità  stretta u naħżnuh b’mod sigur.

Int tista’ taċċessja t-tagħrif dwarek?

Iva, int għandek id-dritt titlob aċċess għat-tagħrif dwarek u titlob li jkun ikkorreġut jekk hemm bżonn.

Għandek xi mistoqsijiet oħra?

Jekk jogħġbok kellem lill–istaff tagħna jekk għandek xi mistoqsijiet jew ilmenti oħra dwar x’sar mit-tagħrif dwarek waqt li int  konsumatur tagħna, jew jekk tixtieq taċċessja r-rekord tiegħek. Int tista’ tikkuntattja lill-Uffiċjal tagħna tal-Privatezza fuq (03) 8319 7426.