Изјава за приватност

ВАШИТЕ ИНФОРМАЦИИ – ТИЕ СЕ ПРИВАТНИ

Што се случува со информациите за вас додека сте корисник на услугите на оваа служба?

Кои сме ние?

Ние сме една од неколкуте служби за здравствена нега и социјална заштита во вашето подрачје, и сите заедно соработуваме заради задоволување на вашите здравствени потреби.

Кои ваши информации ги собираме?

Во записите за вас како корисник на услуги ние го чуваме вашето име и презиме, и податоците за контакт. Други податоци, како планот за вашата нега и информациите за вашето здравје, се бележат при секоја ваша посета.

Зошто ги собираме информациите за вас?

Информациите што ги собираме ни помагаат да чуваме најнови податоци за вашите потреби, за да можеме да се грижиме за вас на најдобар можен начин. Исто така, ние ги користиме тие информации заради подобро водење и планирање на оваа служба.

Кој друг ги гледа информациите за вас?

Вашите информации може да ги видат само професионалните лица од оваа служба, кои се вклучени во грижата за вас. Меѓутоа, ние даваме информации за вас само ако вие се согласите или ако е тоа законска обврска, како на пример во итни медицински околности.

Какво влијание имате во тоа што се случува со вашите информации?

Вие имате право да одлучувате што се случува со вашите информации. Ние се потпираме на информациите што ни ги давате, за да ви ја укажеме соодветната нега. Ако одлучите да не откривате некои од вашите информации или да го ограничите пристапот до записите за вас како корисник на услуги, тоа е ваше право, но тоа може да влијае врз нашата способност да ви укажеме најдобри можни услуги. Кажете ни ако сакате да ја смените или повлечете вашата согласност.

Како вашите информации ќе бидат заштитени?

Ние внимателно ја чуваме доверливоста на вашите податоци. Приватноста на вашите информации е исто така заштитена со закон. Со вашите информации постапуваме во најстрога доверба и ги чуваме на сигурно.

Дали имате пристап до вашите информации?

Да, вие имате право да барате пристап до вашите информации и, ако е потребно, да барате да бидат исправени.

Дали имате други прашања?

Ве молиме разговарајте со некој од нашите вработени ако имате други прашања или жалби за нешто што се случило со вашите информации додека сте биле корисник на нашите услуги, или ако сакате да имате пристап до вашите записи. Исто така може да се јавите на нашиот службеник за приватност (Privacy Officer) на (03) 8319 7426.